Lulzim Basha ka hedhur akuza të tjera kundër ish-kryeministrit duke thënë se ishte Berisha që paralajmëroi, orkestroi dhe dirigjoi të gjithë sulmin në 8 janar.
Basha mes të tjerash shton se Berisha e dinte që në seli ndodheshin deputetë dhe drejtues demokratë, por sipas tij nuk i kurseu urdhrat për mercenarët që të godisnin zyrat e partisë.
Postimi i plotë:
Sali Berisha e paralajmëroi, orkestroi dhe dirigjoi të gjithë sulmin e dhunshëm mbi selinë e PD në 8 janar. Ndonëse e dinte fare mirë që në seli ndodheshin deputetë dhe drejtues demokratë, ai nuk i kurseu urdhrat për mercenarët që të godisnin zyrat e partisë. Të gjithë e dinim që ai do të bëhej i dhunshëm. Dhuna ishte qëllimi i tij që nga fillimi.
