Zyrat e ndërtesës së kompanisë Mercedes-Benz në Sindelfingen, pranë Stuttgartit, u bastisën si pjesë e një hetimi ndaj dy menaxherëve të kompanisë që përballen me akuza për korrupsion, u njoftua të martën.
“Aksioni po kryhet për shkak të dyshimit për korrupsion gjatë proceseve afariste”, njoftoi Prokuroria e Shtetit në Stuttgart.
Mediat gjermane shkruajnë se bëhet fjalë për një hetim ndaj dy drejtuesve të Mercedes-Benz-it të cilët kanë marrë ryshfet “në shumën milionëshe” në këmbim të sigurimit të kontratave me furnitorët.
“Të dyshuarit vlerësohen se kanë arritur të ndikojnë në përzgjedhjen e furnitorëve të caktuar”, raportojnë mediat.
Gjatë kontrollit të kryer në fund të javës së kaluar, në departamentet e prokurimit janë konfiskuar një celular dhe një kompjuter personal.
Kompania njoftoi se kërkimi u krye me iniciativën e vetë Mercedes-Benz.
“Mercedes-Benz është viktima në këtë rast dhe ne e bëmë vetë kallëzimin”, njoftoi kompania.
Sipas disa mediave gjermane, menaxhmenti refuzoi të thoshte se sa ishte shuma dhe gjithashtu të konfirmonte se ishte rasti më i madh korrupsioni në historinë e kompanisë.
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…