<p><strong>Kryeministri i Izraelit, Binyamin Netanyahu, deklaroi: “Edhe pse disa nuk ndajnë të njëjtin mendim me mua, nuk besoj se Perandoria Osmane do të rikthehet së shpejti, ajo nuk do të rikthehet,” u shpreh ai.</strong></p>
<p>Gjatë një fjalimi në parlamentin izraelit me rastin e vizitës së Presidentit të Argjentinës, Javier Milei, Netanyahu tha se Argjentina kishte filluar të bëhej një strehë për hebrenjtë në gjysmën e dytë të shekullit XIX, jo vetëm nga Evropa Lindore, por edhe nga Perandoria Osmane, për shkak të vështirësive ekonomike dhe antisemitizmit.</p>
<p>Duke përmendur Perandorinë Osmane, ai theksoi: “Edhe pse disa nuk ndajnë të njëjtin mendim me mua, nuk besoj se Perandoria Osmane do të rikthehet së shpejti – ajo nuk do të rikthehet.”</p>
<p>Netanyahu përmendi Maurice de Hirsch, i cili investoi shumë për vendosjen e hebrenjve në Argjentinë dhe krijimin e kolonive. Edhe pse Theodor Herzl nuk e kishte përfshirë Argjentinën si destinacionin kryesor, Netanyahu theksoi se ajo kishte pasur rëndësi të madhe për hebrenjtë.</p>
<p>“E RIBASHKUAM JERUSALEMIN”</p>
<p>Duke iu referuar pushtimit të Jerusalemit Lindor në vitin 1967, Netanyahu deklaroi: “Para 58 vjetësh e ribashkuam Jerusalemin dhe, në emër të të gjithë miqve të mi këtu, ju premtoj se ai nuk do të ndahet më kurrë.”</p>
<p>Edhe pse dihet gjerësisht se Izraeli kufizon liritë fetare të myslimanëve dhe të krishterëve palestinezë në Jerusalemin Lindor, Netanyahu pretendoi se Izraeli është shteti që garanton lirinë e besimit në këtë qytet.</p>
<p>Në fjalimin e tij, Netanyahu kritikoi gjithashtu Iranin, duke pohuar se kanë shkatërruar në masë të madhe përpjekjet e këtij shteti për të luftuar kundër Izraelit, megjithatë, ai theksoi se kërcënimi ende vazhdon.</p>


Izraeli nisi një sulm në shkallë të gjerë kundër Iranit të premten, duke thënë se…
Gjatë një konference për shtyp me Sekretaren e Sigurisë Kombëtare Kristi Noem, senatori i Kalifornisë…
Një top u bë shkaktar për vdekjen e një gruaje 34 vjeçare nga Kosova dhe…
Kryetari i Deçanit, Bashkim Ramosaj, ka ndarë lajmin e dhimbshëm për vdekjen e një nëne…
Një video e re nga një kënd tjetër që tregon aeroplanin e “Air India” duke…
Një burrë britanik që pretendon se ka mbijetuar aksidentin në Ahmedabad ka përshkruar momentin kur…