Ambasada e Izraelit dënoi sot ashpër grafitet e urrejtjes që u shfaqën në rrugët e Beogradit javët e fundit, duke vlerësuar se këto incidente nuk janë pasqyrim i marrëdhënieve ndërmjet Serbisë dhe Izraelit, përkatësisht popullit serb dhe hebre.
“Ne jemi të bindur se institucionet kompetente të Republikës së Serbisë do të bëjnë gjithçka, jo vetëm për të gjetur dhe sanksionuar autorët, por edhe për t’u siguruar bashkëqytetarëve të tyre hebrenj një jetë të përditshme të sigurt dhe paqësore”, thuhet në deklaratën e ambasadës.
Sipas raportimeve, objektivi ishte organizata joqeveritare “Haver Serbia”, e cila prej vitesh promovon tolerancën, të drejtat e njeriut dhe një shoqëri gjithëpërfshirëse, duke luftuar kundër antisemitizmit dhe ksenofobisë.
“Natën mes 6 dhe 7 nëntorit, para ambienteve të organizatës, autorë të panjohur kanë shkruar mesazhe urrejtjeje të hapur. Ne besojmë se këto incidente nuk janë pasqyrim i marrëdhënieve midis Serbisë dhe Izraelit, popullit serb dhe hebre, të cilët gjatë historisë kanë qenë gjithmonë pranë njëri-tjetrit për shekuj me radhë, duke ndarë të njëjtin fat të vuajtjeve dhe luftën e përbashkët kundër ideologjive të liga.” theksohej deklarata.
Ambasada izraelite thekson se edhe aktet individuale të vandalizmit mund të helmojnë shoqërinë dhe për këtë arsye është e rëndësishme të reagohet në kohë.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…