Berisha për kërcënimin e Haradinaj: Kush janë ata horra që yshtin këta zagarë me fëlliqë me gojën me gjujt gurin e me e fsheh dorën

Deputeti i AAK-së, Bekë Berisha, ka reaguar pas kërcënimit të kryetarit të AAK-së, Ramush Haradinaj, duke thënë se dikush po i nxitë këta persona që të ofendojnë.

Ai ka kërkuar reagimin e udhëheqësve të shtetit.

“Ku janë ata udhëheqës të shtetit që i fusin vesht’ në lesh, e nuk kanë kurajë me u çu kundër kësaj fushate linçuese e kërcënuese antinjerëzore e antikombëtare. Ku është Presidentja, Kryeministri, Parlamenti…” , ka thënë në reagimin e tij.

Postimi i plotë:

Kush është ai trim që e kërcënon me plumb në ballë, Ramush Haradinajn, një hero e të vetmin njeri të gjallë që ka dhënë krejt e gjithcka për lirinë e këtij vendi.

Kush janë ata horra që i yshtin këta zagarë me flliqë me gojë me e gjujt gurin e me e fsheh dorën.

Ku janë ata udhëheqës të shtetit që i fusin vesht’ në lesh, e nuk kanë kurajë me u çu kundër kësaj fushate linçuese e kërcënuese antinjerëzore e antikombëtare. Ku është Presidentja, Kryeministri, Parlamenti…

Sot është kërcënuar me vrasje një hero i luftës e dy herë kryeministër. Cka duhet të ndodhë më shumë që t’iu ndihet zani juve.

Ku është prokuroia, policia apo edhe AKI-a. Kërcënimi ka qenë serioz e publik, nga një person me emër e mbiemër. Cka ju duhet atyre më shumë që ta nisin një hetim e ta shpallin në kërkim një person të rrezikshëm.

Mosveprimi mund të trimërojë edhe psikopatë të tjerë.

Kjo është ngjarje e rëndë që kërkon reagim institucional e veprim urgjent të organeve të rendit e të ligjit.