Presidenti amerikan, Joe Biden përsëriti edhe njëherë se është bërë pishman që nuk rikandidoi për president në zgjedhjet e nëntorit, duke shprehur sërish bindjen se do ta kismet mundur fare lehtë Donald Trump.
Në një intervistë për USA Today, kreu i Shtëpisë së Bardhë megjithatë u tregua i sinqertë duke thënë se nuk e dinte nëse do të mbaronte dot një mandat të dytë duke qenë se aktualisht është 82 vjeç.
Biden tha gjithashtu se ai po konsideronte ende faljen për armiqtë e Donald Trump, duke përfshirë ish-kongresmenen republikane Liz Cheney dhe ish-zyrtarin e lartë shëndetësor Dr Anthony Fauci.
Intervista me USA Today është e vetmja intervistë që Biden i ka dhënë deri më tani një botimi të shtypur.
Qasja e medias në Biden është kontrolluar rreptësisht nga Shtëpia e Bardhë dhe presidenti nuk ka mbajtur një konferencë shtypi që kur u largua nga gara më 21 korrik.
