In this image provided by the White House, President Joe Biden and Vice President Kamala Harris and members of the President's national security team observe from the Situation Room at the White House in Washington, on Wednesday, the counterterrorism operation responsible for removing from the battlefield Abu Ibrahim al-Hashimi al-Qurayshi, the leader of the Islamic State group. Adam Schultz/AP
Presidenti i Shteteve të Bashkuara, Joe Biden, tha të enjten se udhëheqësi i ISIS-it vdiq duke hedhur në erë veten dhe familjarët e vet gjatë operacionit të forcave amerikane në Siri.
Abu Ibrahim al-Hashemi al-Quraishi ishte udhëheqës i ISIS-it që nga vdekja e paraardhësit të tij më 2019, Abu Bakr al-Baghdadi, i cili gjithashtu ishte vrarë duke e hedhur veten në erë gjatë një operacioni të forcave amerikane.
Sipas presidentit dhe zyrtarëve amerikanë, kur forcat amerikane iu afruan Quraishi-t në veriperëndim të Sirisë gjatë natës, ai shkaktoi një shpërthim që gjithashtu i la të vrarë familjarët e tij, përfshirë disa fëmijë, shkruan Reuters.
Zyrtarët amerikanë thanë se shpërthimi ishte aq i fuqishëm, saqë i hodhi trupat e njerëzve jashtë ndërtesës me tri kate, duke e fajësuar ISIS-in për të gjitha pasojat në civilë.
“Duke iu falënderuar trimërisë së trupave tona, ky udhëheqës i tmerrshëm terrorist nuk është më”, tha presidenti amerikan në fjalimin e tij në Shtëpinë e Bardhë.
Një zyrtar i lartë i Shtëpisë së Bardhë tha se besohet që shpërthimi la të vrarë udhëheqësin e ISIS-it, dy gratë e tij dhe një fëmijë në katin e tretë dhe, me gjasë, edhe një fëmijë që ishte në katin e dytë dhe një komandant e gruan e tij, të cilët u vranë pas të shtënave në drejtim të forcave amerikane.
Zyrtari tha se dy luftëtarë të tjerë u vranë, pasi qëlluan me armë në drejtim të helikopterëve amerikanë.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…