Ishulli i pabanuar i Sazanit, ku të vetmet gjurmë të njeriut janë bunkerët dhe depot ushtarake të ngritura gjatë kohës së komunizmit mund të shndërrohet në një ishull rezidencash e resortesh luksoze që do të tërhiqte mijëra turiste në vit.
Ky është projekti i dhëndërit të Donald Trump, Jared Kushner, që synon të investojë 1 miliardë dollarë në Shqipëri në ndërtimin e rezidencave dhe resorteve në Ksamil, Zvërnec dhe ishullin e Sazanit. Lajmi jepet nga agjencia e lajmeve Bloomberg.
Agjencia thotë se Kusher ka shprehur interesin përmes kompanisë Affinity Partners, e cila financiarisht mbështetet edhe nga arabët.
“Sazani është unik dhe i pacënuar. Nuk kam parë si ai ishull në asnjë vend tjetër në botë”, thotë Kushner për Bloomberg.
Bloomberg shton se ambicia e dhëndrrit të Donald Trump është që të ndërtojë edhe në Zvërnec me disa resorte kryesore me afërsisht 10 mijë njësi vila dhe dhoma hoteli”.
Sipas agjencisë Bloomberg, ndërmjetësuesi për këtë projekt ka qenë Richard Grenell, ish-ambasador i SHBA në Gjermani dhe ish i dërguari i posaçëm për Ballkanin dhe dialogun Kosovë-Serbi.
Verën e kaluar, Grenell shoqëroi Jared Kushner dhe gruan e tij, Ivanka Trump gjatë pushimeve disaditore në jug të Shqipërisë.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…