Pritja 4 vjeçare ka marrë fund. Europiani i futbollit 2024 ka startuar me sfidën Gjermani-Skoci në “Alianz Arena” të Mynihut, me një ceremoni spektakolare mes 75 mijë tifozëve.
Kombëtaret më të mirat e Europës do të zbresin nga sot në fushat e blerta të 10 impianteve modernë që organizatorët kanë zgjedhur për këtë event magjik të futbollit.
Goli i parë në Euro2024 është shënuar nga vendasit, me yllin 21-vjeçar të Bayer Leverkusen, Florian Wirtz, që kaloi në avantazh “Die Mannschaft” në minutën e ’10 të sfidës.
