Ish-ambasadorja e Kosovës në Shtetet e Bashkuara të Amerikës, Vlora Çitaku, ka uruar amerikanën për Ditën e Pavarësisë.
Çitaku ka uruar 4 korrikun teksa vizitoi kampin “Bondsteel” dhe tregoi disa nga rrëfimet e ushtarëve amerikanë.
“Duke festuar 4 Korrikun bashkë me Komandantin e Kampit Bondsteel, Derek Adams dhe ushtarët Amerikanë të stacionuar në #Kosovë. Përgjatë dy dekadave, mijëra ushtarë Amerikanë kanë shërbyer në Kosovë”.
“Shumë prej tyre nuk kanë qenë pranë familjeve të tyre në momente festash e pikëllimi. Njëri prej tyre më tregoi sot se mezi po pret të udhëtoj në SHBA për ta njoftuar nipin i cili i kishte lindur para pak muajsh. Tjetri më tregoi se në shtëpi po e presin gruaja dhe katër fëmijët, më i vogli gjashtë muajsh. Shërbimi ndaj atdheut është njëkohësisht sakrificë dhe priviliegj”.
Çitaku mes tjerash theksoi se Kosova nuk ka mik më të mirë se SHBA-të.
“Kosova nuk ka mik më të mirë se SHBA-të, dhe ushtarët Amerikanë në Kosovë janë në shtëpinë e tyre” është shprehur Çitaku.
