Një diskurs dukshëm më i butë e ka shoqëruar gjuhën e zv/kryeministrit të parë serb, njëherit edhe ministër i mbrojtjes, Millosh Vuçeviç, i cili, pas proklamimeve pompoze “për kthim të një mijë forcave serbe në Kosovë” ndërroi tonet.
“Duam që me politikë të zgjedhim çështjet politike, jo me ushtri”, i tha ai televizionit serb “Tv Happy”.
Një deklaratë e tillë vjen pasi që zv/ndihmës sekretari amerikan i shtetit, Gabriel Escobar, u shpreh se Kosova ka garanca të mëdha sigurie nga ShBA-ja, dhe se “kategorikisht” e kundërshtojnë mundësinë e një të ashtuquajture “rikthim” të forcave serbe në Kosovë.
Ndërkaq Vuçeviç, insistoi që për serbët e Kosovës të formohet Asociacioni i Komunave me shumicë serbe, për të cilën tha se “është një formë autonomie”. Asociacioni, vazhdoi të thotë ai, “është garanca që serbët të mund të jetojnë në ato zona”.
“Ne duam fuqizim tē ekonomisë dhe mbrojtjes së Serbisë. S’duam konflikte, por askush nuk ka dilemë që Serbia do t’i mbrojë qytetarët e saj dhe se s’do të ketë ‘Stuhi’ tjetër. Ushtria është e pajisur dhe e armatosur, dhe duam që gjërat të zgjidhen politikisht dhe jo me ushtri”, tha ai.
Kujtojmë se më 15 dhjetor, Presidenti i Serbisë, Aleksandar Vuçiç, ka thënë se do t’i adresojë kërkesë zyrtare Aleancës Veri-Atlantike për të “rikthyer” rreth një mijë trupa serbe në Kosovë, duke u thirrur në pikën 4 dhe 6 të Aneksit 2, shkruan Reporteri.net.
ShBA e ka mohuar kategorikisht një gjë të tillë, duke rikujtuar garancat e forta të sigurisë amerikane në Kosovë, të cilat manifestohen përmes pjesmarrjes në misionin paqeruajtës të NATO-s në Kosovë, KFOR.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…