Deputeti i Lidhjes Demokratike të Kosovës, Haxhi Avdyli, ka thënë sot se që nga dita e djeshme raportet në mes të LDK-së dhe Vetëvendosjes janë në pikën më të ulët.
Siç tha ai, partneriteti në qeverisje nuk ndërtohet me akuza e mosbesim.
“Një raport i ndërtuar me vështirësi pas një historie jo të këndshme tani po rrezikohet. Mund të thuhet që tani nga dje jemi në pikën më të ulët të bashkëpunimit. Partneriteti në qeverisje nuk ndërtohet me akuza e mosbesim duke bërë veten si luftëtar të korrupsionit e tjerët si dekor”, tha ai.
Avdyli, shtoi se korrupsionin nuk e lufton MPB por organet e gjyqësisë që janë me shumë ndërlidhura me Ministrin e Drejtësisë.
“Partneriteti qeverisës nderohet me balans pushtetesh në mirëbesim e jo me dëshirën e marrjes së pushtetit komplet për vetën në të gjitha shtyllat qeverisëse sepse qytetari ka vendos për një balans pushtetesh ku i pari merr pak më shumë dhe pozitën kryesore në shtet që është Kryeministri. Tani raportet janë më të komplikuara por nëse ka vullnet që Albin Kurti të bëhet kryeministër edhe mund të gjendet zgjidhja çdo herë”, përfundoi ai.
Të enjten, ka filluar zyrtarisht edhe legjislatura e shtatë e Parlamentit të Kosovës, me ç’rast kryetar i legjislativit, u zgjodh Glauk Konjufca.
Konjufcën, e propozoi vet kryetari i Vetëvendosjes, Albin Kurti. Kjo ka nxënë në habi deputetët e LDK-së.
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…