Revista gjermane “Der Spiegel” në numrin e saj të së premtes, ka publikuar një artikull ku shkruhet se shërbimet e inteligjencës ushtarake ruse GRU kanë arritur të hyjnë në e-mail-et e zyrës elektorale të kancelares Merkel në vitin 2015, kohë kur u sulmua nga hakerat dhe parlamenti gjerman.
Qeveria gjermane nuk ka bërë një koment për këto raportime. Gjithashtu reagim nuk ka as nga Moska zyrtare, e cila më herët i ka mohurat akuzat për këto sulme kompjuterike.
Sipas “Der Spiegel”, policia federale dhe agjencia federale për krimet kibernetike kanë mundur të rikrijojnë sulmin dhe kanë gjetur se objekt i sulmit nga hakerat kanë qenë dy “inbox-e” të zyrës elektorale të Merkel. Ata kanë hyrë në korrespondencat elektronike të viteve 2012-2015 dhe madje kanë kopjuar e-mail-et në një kompjuter tjetër.
Dhoma e Ulët e Bundestagut gjerman zbuloi në maj të vitit 2015 se sistemi i saj kompjuterik ishte thyer dhe hakerat kishin hyrë brenda tij që nga fillimi i vitit. Fatkeqësisht nuk u zbulua se çfarë informacioni ishte vjedhur.
Ambasada ruse në Berlin nuk ka bërë asnjë reagim për ngjarjen në fjalë deri në këto momente.
Presidenti rus, Vladimir Putin, ka pranuar se sulmet e vazhdueshme ukrainase ndaj infrastrukturës strategjike ruse…
Kryeministri i Pakistanit, Shehbaz Sharif, ka bërë të ditur se negociatat ndërmjet Shteteve të Bashkuara…
Forcat amerikane rrëzuan shumë drone sulmuese iraniane me një drejtim që po shkonin drejt ngushticës…
Elon Musk u bë të premten trilioneri i parë në botë, pasi aksionet në kompaninë…
Presidenti amerikan Donald Trump ka deklaruar se, në një skenar përballjeje me Iranin, preferenca e…
Pikërisht në ditën kur para 27 vjetësh NATO kishte hyrë në Kosovë duke nisur misionin…