Deri më tani grumbullohen mbi 300 mijë euro nga diaspora për të menaxhuar pandeminë

Qeveria e Kosovës, ditë më parë ka kërkuar ndihmë nga bashkëatdhetarët tanë në diasporë, për të ndihmuar vendin në tejkalimin e situatës pas pandemisë globale Covid-19.

Deri më tani shifrat kanë kaluar mbio 300 mijë euro, para këto të dërguara gjithandej nga ka shqiptarë.

Këtë e ka bërë të ditur zëdhënësi i Qeverisë në detyrë, Perparim Kryeziu.

Ai ka thnë se do të ketë transparencë dhe llogaridhënie në shfrytëzimin e këtyre mjeteve të dhuruara.

Tutje Kryeziu ka thënë se qeveria Kurti falenderon mërgatën për rolin e saj të vazhdueshëm, dhe e cila asnjëherë nuk ka rreshtuar së ndihmuari Kosovën.

“Ndërkohë, diaspora po vazhdon t’i përgjigjet thirrjes për mbështetje financiare. Deri më tani, ndihma e tyre ka kaluar vlerën monetare prej 300.000 EUR. Diasporës i garantojmë transparencë dhe llogaridhënie në shfrytëzimin e mjeteve të dhuruara, dhe u jemi falënderues gjithmonë dhe gjithnjë. Qeveria Kurti është e përkushtuar që të fuqizojë rolin e mërgatës në vend, dhe për këtë jemi zotuar në programin e Qeverisë së Republikës së Kosovës”, ka shkruar Kryeziu.