Dokumenti konfidencial i forcave të armatosura gjermane, Bundeswehr – i cili arriti në Bild dhe te disa gazetarë evropianë – është mbresëlënës.
Edhe nëse detajet mbi lëvizjet e trupave hiqen, në mënyrë që të mos rrezikohet siguria e lëvizjeve.
Teksti përshkruan një “skenar të rastit më të keq” – domethënë, jo një eventualitet të menjëhershëm aktual, por një projeksion në të ardhmen, i cili megjithatë konsiderohet i mundshëm dhe për të cilin ne po përgatitemi.
Sipas këtij dokumenti, Gjermania ka filluar përgatitjen për një sulm të drejtpërdrejtë nga Vladimir Putin ndaj NATO-s në verën e vitit 2025.
Zemra e sulmit do të ishte përpjekja për të pushtuar “korridorin Seëalki”, atë rrip toke polake që lidh Kaliningradin me raketat Iskander me mbushje bërthamore dhe Bjellorusinë e diktatorit vasal të Putinit, Aleksandër Lukashenko.
Në këtë tekst Ministria Gjermane e Mbrojtjes përshkruan (nuk do të thotë parashikon, por përshkruan, sepse nuk është një parashikim, por një përgatitje për çdo skenar të mundshëm) se si ndodhin ngjarjet që mund të çojnë në shpërthimin e luftës, që mund të zhvillohet në verën e vitit 2025.
Këtu është një përmbledhje e asaj që është shkruar.
Në shkurt 2024, Rusia fillon një valë tjetër mobilizimi (në mënyra pak a shumë formale) dhe thërret 200 mijë njerëz të tjerë në forcat e armatosura për të nisur një ofensivë pranverore në Ukrainë, e cila, për shkak të dobësimit të ndihmës perëndimore dhe të brendshme është e suksesshme dhe pushton disa territore të reja të rëndësishme.
Për më tepër, gjithçka ndodh të përkojë me zgjedhjet presidenciale amerikane, të cilat mund të ofrojnë mundësi të mëtejshme për Moskën.
Sulmi i vërtetë rus ndaj NATO-s do të fillonte në korrik, në dy faza.
E para, e fshehur, ka të bëjë me luftën hibride (në të cilën në realitet tashmë jemi të përfshirë gjerësisht) dhe sulmet kibernetike, që synojnë mbi të gjitha vendet baltike, për të shkaktuar përçarje dhe revoltë brenda tyre.
Moska do të përdorë rusët në Letoni, Estoni dhe Lituani për të ndezur përleshje në rrugë dhe trazira të cilat do t’i përdorë si pretekst për të shkaktuar “stërvitje në shkallë të gjerë Zapad-2024” në fund të verës (shtator 2024).
Në lëvizjet e trupave – ushtrime të cilat janë në realitet, përgjatë vijave të asaj që ka ndodhur tashmë me Ukrainën, një përgatitje e vërtetë për luftë dhe dislokime të paraluftës – 50 mijë ushtarë fillimisht do të marrin pjesë kryesisht në Bjellorusi.
Në tetor 2024, Moska do të vendosë më shumë raketa Iskander në Kaliningrad dhe më shumë trupa në zonë.
Fillimisht për të ushtruar presion mbi korridorin Suwalki, i cili lidh Kaliningradin me Bjellorusinë, më pas, në dhjetor 2024, do të provokohet një konflikt kufitar – me trazira dhe viktima të shumta – dhe do të kërkohen pretekste (një mund të jetë përdorimi i emigrantëve).
Skenar tashmë gjerësisht realist dhe i përdorur, si në kufirin polak ashtu edhe në kufirin me Finlandën.
Bundeswehr hipotezon se pas konfliktit në korridorin Suwalki, Rusia do të thërrasë një takim të jashtëzakonshëm të Këshillit të Sigurimit të OKB-së dhe do të akuzojë Perëndimin se do të sulmojë Rusinë.
Padyshim një shpikje e pastër, e cila megjithatë do të çojë në një takim të jashtëzakonshëm të Këshillit të NATO-s në janar 2025.
Polonia dhe vendet baltike do të raportojnë në mënyrë dramatike situatën, por do të kenë ende vështirësi për t’u besuar.
Në mars 2025, Rusia do të vendosë më shumë trupa në vendet baltike (kryesisht Lituani) dhe do të ketë dy divizione të blinduara dhe një divizion pushkësh të motorizuar vetëm në territorin Bjellorusi. Gjithsej 70 mijë ushtarë.
Vetëm në maj 2025, NATO do të lëvizte zyrtarisht, duke lëvizur rreth 300 mijë ushtarë për të parandaluar një sulm në Suwalki. Bundeswehr shkruan se prej tyre 30 mijë janë ushtarë gjermanë.
Mohimi i Ria Novosti për skenarin e përshkruar nga dokumenti i forcave të armatosura gjermane është më shqetësues sesa një konfirmim.
Ria Novosti thotë se Rusia ka theksuar vazhdimisht se nuk përbën kërcënim për asnjë nga vendet e NATO-s, por nuk do të injorojë veprimet potencialisht të rrezikshme për interesat e saj.
Agjencia e Kremlinit thotë se Moska e pranon dialogun, por në baza të barabarta, dhe Perëndimi duhet të braktisë militarizimin e kontinentit.
