Turqia ka rënë dakord të mbështesë anëtarësimin në NATO të Finlandës dhe Suedisë, ka konfirmuar presidenti finlandez, Sauli Niinisto, të martën, shkruan BBC.
“Progresi erdhi pasi të tria vendet nënshkruam një memorandum të përbashkët për të zgjeruar mbështetjen e plotë kundër kërcënimeve ndaj sigurisë së njëri-tjetrit”, ka thënë Niinisto.
Marrëveshja u konfirmua pas takimit të ministrave të Jashtëm në samitin e NATO-s në Madrid.
Përpjekja e shteteve nordike për t’u bashkuar me NATO-n hasi në një pengesë kur presidenti turk Recep Tayyip Erdogan u shpreh se Finlanda e Suedia mbështesin militantët kurdë.
Kombet tradicionalisht neutrale vendosën të aplikojnë për anëtarësim në NATO pas pushtimit të Ukrainës nga presidenti rus Vladimir Putin.
Finlanda e Suedia veçse kanë dorëzuar aplikimin për anëtarësim në aleancën ushtarake.
