Dy persona janë dënuar me 33 vjet burg për shkak se drejtonin një skemë të pastrimit të parave prej 70 milionë paund. BBC shkruan se ata pastruan 10 milion paund, nëpërmjet kredive që jepte qeveria e Mbretërisë së Bashkuar për bizneset që ishin prekur nga pandemia.
Artem Terzyan, 38 vjeç, nga Rusia dhe Deivis Grochiatskij, 44 vjeç, nga Lituania u dënuan në fillim të këtij muaji në Gjykatën e Kingston Crown.
Të dy u arrestuan për herë të parë në vitin 2018 pas një operacioni policor të filluar që në 2017. Oficerët e policisë nga Agjencia Kombëtare e Krimit dhe Policia Metropolitane panë çanta të mëdha me para që po transportoheshin në banesat e tyre në Londrën Lindore.
Të dy burrat , hapën llogari bankare në emra të kompanive të ndryshme false që kishin krijuar, tha NCA. Paratë u dërguan më pas nga një kompani në tjetrën “në një rrjet kompleks transferimesh”, përpara se të dërgoheshin në llogaritë në Gjermani, Republikën Çeke, Emiratet e Bashkuara Arabe, Hong Kong dhe Singapor.
Dy personat ndërkohë që ishin arrest shtëpie, pas arrestimit të tyre në vitin 2018 ngritën një skeme mashtruese kredish për kompanitë guackë që kishin krijuar. Kreditë ishin një nga masat që mori qeveria e Mbretërisë së Bashkuar për të mbrojtur ekonominë e vendit nga pandemia. Ata arritën të merrnin, nga një bankë e vetme shifrën e 3.2 milion paundëve dhe arritën të merrnin në total 10 milion paund nga institucionet bankare britanike.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…