Politikani shqiptar nga Ulqini, Driton Abazoviq, është zgjedhur kryeministër i ri i Malit të Zi.
Ai dhe Qeveria që do të udhëheqë është votuar të enjtën mbrëma.
Për Qeverinë e re, votuan 45 deputetë nga 81 sa i ka Kuvendi i Malit të Zi.
Qeveria e re e Malit të Zi, është e 43-ta dhe pasardhëse e asaj që u shkarkua më 4 shkurt, e ku Abazoviq ishte zv.kryeministër.
Në Qeverinë e re të pakicës, ai do të udhëheqë Qeverinë të cilën do ta përbëjnë edhe Partia Popullore Socialiste, Partia Socialdemokrate dhe partitë kombëtare të shqiptarëve, boshnjakëve dhe kroatëve.
Kabineti i ri do t’i ketë 18 ministri dhe katër zëvendëskryeministra.
Gjatë ditës së enjte, u zgjodh edhe presidentja e Kuvendit, Daniela Gjuriq.
