Dule takon Presidentin grek dhe i ankohet për Shqipërinë: Duam mbështetje, jemi në pikë kritike

Presidenti grek Prokopis Pavlopulos ka pritur në një takim kreun e PBDNJ-së, Vangjel Dule dhe përfaqësues të OMONIA-s gjatë vizitës që po zhvillojnë në Athinë, ku takuan edhe kryeministrin Mitsotakis. Presidenti grek e vendosi theksin edhe njëherë te mbrojtja e minoritetit duke i kujtuar Shqipërisë konventat ndërkombëtare.

“Greqia gjithmonë do të luajë, në tërësinë e saj, rolin e mbrojtjes së të drejtave të minoritetit kombëtar grek në Shqipëri. Respektimi i plotë dhe i sinqertë i Shqipërisë për të gjitha këto të drejta varet po aq sa edhe nga niveli i marrëdhënieve tona bilaterale dhe bilaterale” tha ai.

Ndërsa Dule u ankua për kushtet në Shqipëri. “Ne jemi në një pikë kritike, ku janë në pyetje çështje të rëndësishme dhe thelbësore, siç janë pronësia, regjistrimi i ardhshëm i popullsisë dhe respektimi i të drejtës së vetëdeklarimit. Këto janë çështje që kërkojnë përkushtimin dhe mbështetjen nga të gjithë, në mënyrë që edhe në Shqipëri të respektohen” tha ai.

Ndërsa kryeministri Kiriakos Micotaqis u shpreh se “Llogaritë e mira bëjnë miq të mirë. Shqipëria të vazhdojë me një regjistrim të paanshëm dhe objektiv të popullatës së saj, duke respektuar plotësisht të drejtën e vetëdeklarimit dhe të garantojë në praktikë pronën dhe të drejtat e Minoritetit Kombëtar Grek. Gjithashtu duhet të shmangim veprimet që minojnë rregullat e fqinjësisë së mire ose retorikën për çështje jo-ekzistuese. U takova me përfaqësuesit e minoritarëve tanë në Shqipëri, ku dëgjova problemet që ata hasin, dhe përsërita pikërisht atë që po them këtu”.