Një matematicien i shquar izaelit, analist dhe ish gjeneral , tregon se analiza e thjeshtë statistikore se COVID-19 arrin pikun pas 40 ditësh dhe shkon në zero pas 70 ditësh – pa marrë parasysh se ku përhapet, dhe pa marrë parasysh se çfarë masash marrin qeveritë për të parandaluar përhapjen, shkruan The Times of Israel
Profesori Isaac Ben-Israeli , drejtues i programit të Studimeve të Sigurisë në Universitetin e Tel Aviv dhe kryetari i Këshillit Kombëtar për Kërkim dhe Zhvillim, i tha kanalit të Izraelit 12 të hënën në mbrëmje se hulumtimet që ai kreu me një profesor, duke analizuar rritjen dhe rënien e rasteve të reja në vendet e botës, treguan në mënyrë të përsëritur se “ekziston një model i caktuar” dhe ” shifrat e tregojnë vetë këtë gjë”, raporton abcnews.al.
Ndërsa ai tha se mbështet distancimin shoqëror, mbyllja e masive e vendeve të punës në të gjithë botën përbën një gabim të dukshëm në zbardhjen e këtyre statistikave, raporton abcnews.al
Në rastin e Izraelit, rreth 140 njerëz normalisht vdesin çdo ditë. Të mbyllësh pjesën më të madhe të ekonomisë për shkak të një virusi që po vret një ose dy në ditë është një gabim rrënjësor që i do i kushtojë shumë Izraelit, rreth 20% të prodhimit të brendshëm bruto.
Profesor Gabi Barbash, drejtor i spitalit dhe ish drejtori i përgjithshëm i Ministrisë së Shëndetësisë, tha se Ben-Israeli gabohet dhe se numri i të vdekurve do të ishte shumë më i lartë nëse Izraeli dhe vendet e tjera nuk do të kishin ndërmarrë hapat që ata kanë marrë.
Por Ben-Israeli tha që shifrat – veçanërisht nga vendet, si Singapori, Tajvani dhe Suedia, të cilat nuk morën masa kaq radikale për të mbyllur ekonomitë e tyre – vërtetuan pikën e tij.
Kur Barbash përmendi New York si provë të dukshme se Ben-Israeli ishte gabuar, Ben vuri në dukje se indikacionet e fundit nga New Yorku ishin pikërisht në përputhje me statistikat e tij që tregojnë çdo ditë raste të reja arrijnë kulmin dhe bien pas 40 ditësh.
I pyetur për të shpjeguar fenomenin, Ben-Israeli, i cili gjithashtu drejton Agjencinë Hapësinore të Izraelit, më vonë tha: «Nuk kam asnjë shpjegim. Ka nga të gjitha llojet e spekulimeve. Ndoshta është e lidhur me klimën, ose virusi ka një jetëgjatësi të vetin. ”
Ai tha se politika e bllokimeve dhe mbylljeve ishte një rast i “histerisë masive”. Distanca e thjeshtë sociale do të ishte e mjaftueshme, tha ai.
Nëse bllokimet e vendosura në Izrael dhe gjetkë nuk do të shkaktonin një shkatërrim kaq të madh ekonomik, nuk do të ishte problem, tha ai. “Por ju nuk duhet të mbyllni gjithë vendin kur shumica e popullatës nuk është në rrezik të lartë.”
I pyetur për të shpjeguar pse virusi kishte shkaktuar një numër kaq të lartë vdekjesh në vende si Italia, ai tha se shërbimi shëndetësor italian ishte i mbingarkuar. “Shërbimi mjekësor në Itali ra në 2017 për shkak të gripit,” tha ai.
Barbash,tha që “ne do të jetojmë me koronavirusin deri vitin e ardhshëm”.
Ai shtoi: “Unë kërkoj që të mos lejojmë që matematicienët – të cilët nuk dinë asgjë rreth biologjisë – të përcaktojnë se kur duhet të heqim bllokimin.”
