Shefi ekzekutiv i Teslas, Elon Musk, ka vizituar zyrat e rrjetit sociale, Twitter, pak para fundit të afatit në të cilën ai duhet të mbyllë marrëveshjen për ta blerë kompaninë. E ka bërë vizitën në një mënyrë interesante. Në Twitter ka postuar një video në të cilën shihet me një lavaman duke hyrë në zyrat e kompanisë në San Francisco.
Një gjykatë i ka dhënë Muskut afat deri të premten që ta përfundojë marrëveshjen për ta blerë kompaninë, që do t’i jepte fund “turbullirave” pasi miliarderi u pajtua ta blinte rrjetin social, e më pas u tërhoq.
Pavarësisht hyrjes së befasishme të Muskut në zyrat e kompanisë, s’ishte e qartë nëse blerja është finalizuar. Twitteri ka konfirmuar për “Associated Press” se videoja e Muskut ishte reale, por ka refuzuar ta komentojë.
Afrimi i Muskut me Twitterin nisi në muajin mars. Më pas, më 4 prill u njoftua se ai u bë aksionari më i madh i kompanisë, pasi bleu 9 për qind të aksioneve për 3 miliardë dollarë. Fillimisht, Twitteri ia ofroi një ulëse në bord, por gjashtë ditë më vonë shefi ekzekutiv, Parag Agrawal, njoftoi se Musku s’do t’i bashkohet bordit. Oferta për blerjen e kompanisë pasoi menjëherë. Ajo u prit me befasi, ndërsa në korrik, Musk u shpreh se po tërhiqet nga oferta. Dy javë para se të niste një proces gjyqësor për tërheqjen e Muskut, ai ndryshoi sërish mendje duke thënë se do ta kompletojë marrëveshjen.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…