Recep Tayyip Erdogan e ka të vështirë të përtypë manifestimin e disa personave kundër tij në Suedi. Presidenti i Turqisë i kërkoi qeverisë së Stokholmit që të ndërhyjë ndaj një proteste, të cilën e konsideroi një incident të turpshëm, për të shmangur tensionet e mëtejshme mes të dyja vendeve.
“Për momentin, vizita e kryeparlamentarit suedez nuk do të zhvillohet. Nëse ata nuk ndërhyjnë për këtë situatë në Suedi, mund të tensionojë më tej marrëdhëniet tona me Suedinë”, u shpreh presidenti turk
Zemërimi i Erdogan erdhi pas publikimit të disa pamjeve nga i ashtuquajturi Komitet Suedez i Solidaritetit për Rojava, një referencë për rajonet kurde të Sirisë, ku shfaqej manekini i presidentit turk i varur nga këmbët.
Ky lloj manifestimi ndodhi jashtë bashkisë së Stokholmit dhe të pranishëm ishin disa njerëz. Lidhur me incidentin, Turqia, vend anëtar i NATO-s, thirri për sqarime ambasadorin e Suedisë.
Kjo vjen si një goditje e rëndë për qeverinë e Stokholmit, e cila prej muajsh po negocion me Ankaranë për të zhbllokuar procesin e pranimit në Aleancën e Atlantikut të Veriut.
Suedia, bashkë me Finlandën, aplikuan zyrtarisht për në NATO vitin e kaluar, mes frikës së një agresioni të mundshëm nga Rusia, pas luftës së nisur kundër Ukrainës.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…