Presidenti i Turqisë, Rexhep Erdogan, ka thënë se Ankaraja mund t’i dëbojë ambasadorët e Shteteve të Bashkuara, Gjermanisë dhe tetë shteteve tjera shkaku i komenteve të tyre për ndalimin dhe gjykimin e filantropit e biznesmenit, Osman Kavala.
“I thashë ministrit tonë të Jashtëm se nuk mund ta kemi luksin që t’i mbajmë ata (ambasadorët) në vendin tonë”, tha të enjten presidenti turk para gazetarëve.
Ambasadorët e Shteteve të Bashkuara, Gjermanisë, Kanadasë, Danimarkës, Finlandës, Francës, Holandës, Suedisë, Norvegjisë dhe Zelandës së Re të hënën publikuan një deklaratë të përbashkët duke bërë thirrje për lirimin e Kavalasë, duke pretenduar se rasti ndaj tij hedh hije mbi Turqinë.
Të martën, Ministria e Punëve të Jashtme e Turqisë i thirri në raportim ambasadorët e këtyre shteteve, shkruan TRT, transmeton Gazeta Express.
Kavala fillimisht ishte arrestuar nën akuzat që lidhen me protestat e vitit 2013. Më vonë, ndaj tij u ngrenë akuza të reja që lidhen me përpjekjen për puç më 2016. Prokurorët e kanë akuzuar këtë figurë për spiunazh.
Vitin e kaluar, Këshilli i Evropës i bëri thirrje Turqisë që ta lirojë Kavalanë, duke thënë se arrestimi i tij dhe mbajtja në ndalim shërbejnë për t’ia mbyllur gojën dhe për t’i zmbrapsur mbrojtësit tjerë të të drejtave të njeriut.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…