Boksieri Florian Marku, i njohur përndryshe si “Mbreti Shqiptar” është arrestuar në Gjermani dhe ekstraduar në Greqi.
Sipas asaj që raporton “Top Channel”, Marku është arrestuar shkaku i një incidenti të ndodhur shtatë vite më parë në Selanik, ku akuzohet për plagosje dhe armëmbajtje pa leje.
Marku për këtë ngjarje ishte dënuar dhe kishte bërë 1.5 vite burg në Selanik, ndërsa më parë kishte deklaruar se ishte thjesht një sherr në një lokal nate me disa rusë.
Ndërkohë, mbetet të shihet se çfarë do të ndodhë me boksierin shqiptar, i cili ishte rrugës për t’u kthyer në ring pas humbjes së fundit që pësoi nga Chris Kongo.
Kujtojmë, Marku në karrierë ka regjistruar 13 fitore (tetë prej tyre me nokaut) si dhe ka një barazim e një humbje.
