Ky është momenti i aksidentit që ndodhi mëngjesin e sotëm në Liqenin Artificial të Tiranës. Siç shihet edhe nga video, mjeti luksoz BMW X6 që drejtohej nga 26-vjeçari Eldi Allushi, ka qenë duke lëvizur me shpejtësi skëterrë.
Fillimisht, makina luksoze ka qenë duke ecur në rrugën e ‘Kosovarëve’, pranë parkimit publik dhe nga aty, pa e ulur fare shpejtësinë mjeti ngjit maloren që ndan aksin me shëtitoren e liqenit, më shumë se 15 m skarpate nga ana e pishinave, duke marrë para pemë e shtylla, për tu përplasur me murin e digës nga ana e liqenit.
Ashtu siç dallohet edhe në video, 26-vjeçari Allushi ka ecur vetëm drejt nga momenti që ka dalë nga rruga e ‘Kosovarëve’, pa bërë asnjë manovër tjetër kthimi, ndonëse rruga pritet nga një aks tjetër që është ngjitur me maloren.
