FSK-ja niset për ta ndihmuar Shqipërinë me zjarret, Mehaj: Së bashku jemi më të fortë

Trupat e Forcës së Sigurisë së Kosovës janë nisur për t’i ndihmuar forcave të Shqipërisë në shuarjen e zjarreve.

Kjo është konfirmuar nga Ministri i Mbrojtjes, Armend Mehaj, nëpërmjet një postimi në Facebook, i cili ka shkruar se së bashku dhe në kohë vështira jemi më të fortë.

“Së bashku jemi më të fortë në kohë të vështira me vëllezërit e motrat tona”, ka shkruar ai në Facebook.

Postimi i plotë:

I nisëm trupat tona të FSK-së në mbështetje të vëllezëve e motrave tona në Republikën e Shqipërisë.

Prej fillimit të shpërthimit të zjarreve, krahas operacioneve tona në vend, kam ofruar mbështetjen e plotë me kapacitetet tona në dispozicion për mbështetje të vëllezërve dhe motrave tona në Republikën e Shqipërisë.