Skënder Gashi nga SBASHK-u e ka sqaruar më gjerësisht incidentin në shkollën “Ismail Qemali” në kryeqytet, ku u tentua të sulmohet kryetari i sindikatës, Rrahman Jasharaj. Ai tha se aty pati edhe kërcënime me vrasje.
Gashi tha në Frontal të T7 se nuk e kuptuan se si një prind ishte në sallën ku duhej të ishin vetëm mësimdhënësit dhe anëtarët e këshillit grevist.
“Unë vij nga Malisheva dhe nuk i njihsha mësimdhënësit aty. Pas përfundimit të fjalimit, një prind i moshuar ishte ulur pranë derës dhe në momentin kur deshëm të dilnim, u ngrit në këmbë, filloi të shante e të fyente, e mandej pati edhe tentim të sulmit fizik”, tha ai.
Gashi tha se në takim s’ka pasur të drejtë të jetë askush përveç mësimdhënësve grevistë, ndërsa tha se drejtoresha e shkollës kishte qenë afër hyrjes.
Fillimisht, i moshuari kishte tentuar që ta merrte fjalën gjatë mbledhjes, ndërsa në fund tentoi ta sulmonte Jasharajn.
“E kam dëgjuar nganjëherë në mbledhje. Dua – tha – t’ia bëjë një pyetje kryetarit. I thanë që nuk ke të drejtë të marrësh pjesë dhe ka qëndruar i heshtur deri kur kemi filluar të dalim nga salla”, shpjegon Gashi.
Ai shton se më pas, i moshuari tentoi ta sulmonte fizikisht kryetarin e SBASHK-ut, duke kërcënuar me vrasje.
“Pati një fyerje verbale duke sharë, mandej pati kërcënim edhe fizik. Mandej pati edhe fjalë që ‘do t’ju vras’ e këso fjalë fyese. Tha ‘ju po ua mohoni të drejtën fëmijëve tëmi, ‘ti je kriminel’, e kështu”, tha Gashi.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…