Turqia ka thirrur sot ambasadorin suedez në Ankara, Staffan Herrstrom, për një bisedë lidhur me demonstratat në Stokholm, ku të pranishëm ishin një numër simbolik i njerëzve.
Në demonstratë, një lodër që dukej si presidenti turk, Recep Tayyip Erdogan u var nga këmbët përpara bashkisë, tha një burim diplomatik për reuters.
“Ne presim që autorët e incidentit të identifikohen dhe të kryhen proceset e nevojshme ndërsa Suedia të përmbushë premtimet e saja”, tha një burim diplomatik nga Turqia.
Ministria e Jashtme e Suedisë konfirmoi se ambasadori ishte ftuar në ministrinë e jashtme në Ankara, por nuk pranoi të jepte detaje për atë që u diskutua. Herrstrom ishte thirrur më parë në muajin tetor për “përmbajtje fyese” në televizionin publik suedez për Erdoganin.
Skenat e protestave në Stokholm kanë nxjerrë në pah çështjen e sundimit turk në të kaluarën, me Erdogan duke thënë se anëtarët e Partisë së jashtëligjshme të Punëtorëve të Kurdistanit (PKK) nuk duhet të lejohen të parakalojnë në Suedi.
Pamjet e shpërndara sot nga mediat proqeveritare turke tregojnë, siç thanë ata, një protestë të anëtarëve të PKK-së, në të cilën ata varën një lodër në formë të Erdoganit para bashkisë së qytetit në Stokholm.
Ministri i Jashtëm suedez, Tobias Billstrom tha se Stokholmi e dënoi incidentin, “qeveria mbron debatin e hapur për zgjedhjet politike, por distancohet fuqishëm nga kërcënimet dhe urrejtja kundër përfaqësuesve politikë. Është e neveritshme të tregosh një president të zgjedhur nga populli të ekzekutuar para bashkisë”.
Kryeministri suedez tha të dielën se Stokholmi është i bindur se Turqia do të miratojë kandidaturën e saj për në NATO, por se nuk do të përmbushë të gjitha kushtet e vendosura nga Ankaraja.
Porti më i madh dhe qendra kryesore e magazinimit të naftës në Emiratet e Bashkuara…
Presidenti amerikan Donald Trump u përplas me një gazetare gjatë një takimi me gazetarët në…
Presidenti amerikan Donald Trump u trondit pas një mbledhjeje informative javën e kaluar, që tregonte…
Presidenti amerikan Donald Trump paralajmëroi NATO-n se e pret një e ardhme e vështirë nëse…
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…