Jens Stoltenberg said NATO is sending a message in response to Putin
NATO i ka lënë dorë të lirë Ukrainës për të sulmuar territorin rus me armët perëndimore. Është ky paralajmërimi i Sekretarit të Përgjithshëm të NATO-s, Jens Stoltenberg. Në një intervistë për prestigjiozen “The Economist”, Stoltenberg, kërkoi nga vendet e NATO-s që të furnizojnë Ukrainën më armatime, por jo të dërgojnë trupa në Ukrainë.
“Është koha që aleatët të shqyrtojnë nëse do të heqin disa nga kufizimet që ata kanë vendosur në përdorimin e armëve që i dhuruan Ukrainës”, tha Stoltenberg. “Sidomos tani që shumë luftime po zhvillohen në Kharkiv, afër kufirit. Duke i mohuar Ukrainës aftësinë për të përdorur këto armë kundër objektivave legjitime ushtarake në territorin rus, e bën shumë të vështirë për ata që të mbrohen”.
Më tej shefi i NATO-s, thekson se, Perëndimi nuk duhet të përfshihet në operacione luftarake.
“Nuk kemi ndërmend të dërgojmë trupa tokësore të NATO-s në Ukrainë. Ne duam të mbështesim Kievin, por gjithashtu të sigurojmë që situata të mos kthehet në një përshkallëzim konflikti në shkallë të plotë”, citon Jens Stoltenberg.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…