Në një intervistë të dhënë për DailyMail, Steve Bannon, një ish-shef i strategjisë në Shtëpinë e Bardhë ka thënë se Elon Musk është përfshirë në një konfrontim fizik me Sekretarin e Thesarit të SHBA-së, Scoot Bassent, duke hedhur kështu dyshime të reja mbi arsyen e largimit të Musk nga administrata Trump.
Bannon ka deklaruar se tensionet mes Musk dhe administratës së Trump kanë arritur kulmin kur gjatë një debati të ashpër, “Musk e ka shtyrë Bessent-in, 62 vjeçar në mes të korridoreve të Shtëpisë së Bardhë”.
Sipas Bannon, arsyeja e konfrontimit ishte pasi Bessent e kishte akuzuar Musk përballë për premtimet e parealizuara mbi kursimet buxhetore.
Bannon tutje ka treguar për dialogun e zhvilluar mes tyre që ka çuar në konfrontim fizik.
“Scott i tha: ‘Na premtove 1 trilion dollarë në shkurtime dhe tani mezi kemi 100 miliardë. Askush s’po sheh asnjë kursim. Çfarë po bën?’”, tregoi Bannon, duke thënë tutje se më pas “Elon e konfrontoi fizkisht”.
“Dhe aty Elon u bë fizik. Ishte një moment delikat për të. Nuk ishte debat, ishte përplasje fizike. Ai e shtyu,” ka thënë Bannon duke shtuar se, “Trump ka mbajtur plotësisht anën e Bessent.”
DailyMail shkruan se ky incident u zbulua pas një raporti të New York Times, ku Musk akuzohej se ishte përdorues i një “koktej drogërash”, përfshirë ketaminë, ekstazi dhe kërpudha haluçinogjene.
Megjithatë, kutjojmë se në një konferencë shtypi në Zyrën Ovale, Musk i mohoi akuzat për drogë duke e hedhur poshtë burimin.
Në detaje të tjera, Bannon ka treguar se pozita e Musk në rrethin e ngushtë të Trump kishte nisur të lëkundej pas rrjedhjes së informacionit në mars, ku thuhej se ai do të merrte informacione të klasifikuara për Kinën – gjë që Trump e anuloi menjëherë.
Bannon poashtu ka kritikuar mënyrën se si Musk ka menaxhuar premtimet për DOGE.
Kujtojmë se si drejtues i DOGE, Musk ishte figura kryesore pas shkurtimeve drastike në shpenzimet federale. Gjatë mandatit të tij, administrata Trump u përball me një padi që e akuzonte se kishte shkelur ligjet e privatësisë, duke i dhënë DOGE qasje në sisteme që përmbanin të dhëna personale të miliona amerikanëve pa pëlqimin e tyre.
E gjithë kjo ka rëndësi, pas largimit të Musk nga administrata Trump, ku gjatë konferencës lamtumirëse për shtyp, Musk doli me një sy të nxirë. I pyetur për të Musk u përgjigj me humor se “nuk isha askund pranë Francës,” duke iu referuar një incidenti ku gruaja e presidentit Macron “shtyu bashkëshortin” gjatë zbritjes nga avioni.
Ai tutje ka shpjeguar se syri i nxirë ishte pasojë e një loje me djalin e tij 5-vjeçar, X.
Ndërkohë sa i përket raporteve të Musk me Shtëpinë e Bardhë, në konferencën për shtyp ai dhe Trump konfirmuan se do të jetë gjithmonë në dispozicion për këshilla ndaj presidentit.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…