Me qindra të burgosur janë arratisur nga burgjet pas luftës civile në Sudan. Një video është bërë virale nga momentet e arratisjes nga burgu kryesor në kryeqytetin e Khartoum-it.
Pamjet tregojnë momentin kur të burgosurit vrapojnë nëpër korridoret e burgut me brohoritje, ndërsa grupet vijojnë luftën e ashpër në rrugët e kryeqytetit. Një javë më parë, në burgun famëkeq të Koberit në Sudan u zhvilluan protesta për liri, ndërsa tashmë të gjithë janë arratisur.
Ndërkohë, porti i Sudanit duket se është shpresa e fundit për mijëra njerëz që po mundohen t’i shpëtojnë luftës. Mes krizës së rëndë humanitare dhe përpjekjeve për t’i mbijetuar asaj që dukshëm është kriza më e rëndë në Sudan në gati 1 dekadë, porti është tejmbushur me gra, fëmijë, të rinj e të moshuar që kërkojnë një vend në anije, për t’u larguar një orë e më parë.
Për të tretën herë, mes palëve u shty edhe 72 orë armëpushimi. Luftimet e armatosura kanë nisur që prej 15 prillit dhe nga ajo ditë, vështirë se është respektuar.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…