“Harrohet” Omicron, festime të madhërishme për 2022 në Nju Jork

Ndonëse autoritetet amerikane bënë thirrje për shmangien e grumbullimeve të mëdha në sheshe në momentin e ndërrimit të viteve, mijëra njujorkezë dolën në rrugë për të pritur 2022.

Në një spektakël të vërtetë dritash dhe fishekzjarrësh të organizuar nga kryebashkiaku De Blassio, 15 mijë persona, shumica të pamaskuar, i uruan njëri-tjetrit Vitin e Ri, ndonëse shifrat e infektimeve në 24 orët e fundit kaluan mbi 530 mijë.

Edhe vetë kryebashkiaku De Blassio kishte dalë në “Times Square”, ku i dhuroi një puthje bashkëshortes edhe pse me maskë.

Më herët, ishin njoftuar dhe masat se askush nuk do të lejohej në shesh pa maskë dhe pasaportë vaksinimi, por jo gjithçka shkon si duhet.

Disa nga këngëtarët që elektrizuan turmën në këtë moment fantastik ishin Mariah Carey, Ashanti, Ja Rule dhe Ryan Seacrest.

Festime të mëdha u mbajtën dhe në qytete të tjera amerikane si  Nashville, Philadelphia, Boston, Chicago dhe Las Vegas