Huç ministri serb Popovic: Kundërshtarët tanë janë njerëz të pafe dhe për këtë janë të dënuar të shkatërrohen

Ministri për zhvillim teknologjik dhe inovacion në qeverinë serbe dhe kryetari i Partisë Popullore të Serbisë, Nenad Popovic, e shfaqi publikisht fashizmin kur deklaroi se si ministër do ta shfrytëzoj të gjitha mundësitë të shpalos ‘terrorin që po kryhet ndaj popullit serb në Mal të Zi’, transmeton Gazeta Metro.

Popovic e nisi deklaratën me ankesën e çuditshme, por jo të padëgjuar më parë, se serbët janë komuniteti etnik më i rrezikuar në Europë sipas tij.

“Populli ynë në Mal të Zi në këtë moment është komuniteti etnik më i rrezikuar në Europë. Për ta nuk vlejnë ligjet dhe vlerat europiane. Në Mal të Zi vlejnë vetëm ligji i dhunës dhe i mafias që lejojnë të rrëmbehet prona e kishës, e njerëzve të i shkelen të drejtat themelore njerëzore e fetare” ka deklaruar në një njoftim me shkrim, në procesionin e lutjeve para tempullit të Shën Sava për mbrojtjen e shenjtërisë në Mal të Zi.

Pas ankesës së ekzagjeruar Popovic e teproi edhe me shfaqjen e forcës dhe ndihmën për bashkatdhetarët e tij në Mal të Zi, me mjete diplomatike dhe të gjitha mjetet tjera të nevojshme njofton Parti Popullore Serbe.

“I porosis vëllezërit tanë në Mal  të Zi se nuk janë vetëm. Mbledhja madhështore e djeshme në Beograd tregoi se populli serb është i bashkuar në mbrojtjen e shenjtërisë dhe serbizmit në Mal të Zi. Është ndezur shkëndija e rezistencës që tani është e pamundur të shuhet. Ajo do të merr flakë e bartur me besimin tonë në Zotin dhe mirësinë e drejtësinë për të cilën po luftojmë. Kundërshtarët tanë janë njerëz të pafe dhe për këtë janë të dënuar të shkatërrohen” tha Popovic.

Mal i Zi dhe Serbia kanë një konflikt mes vete që prej propozimit ë ligjit për liritë fetare në Mal të Zi, e miratimi dhe hyrja në fuqi këtë javë ka nxehur edhe më debatin e retorikën fashiste në shumë qarqe serbe.

Për krishtlindje ortodokse ishte shkaktuar problem për presidentin serb Vucic i cili kishte anuluar vizitën jo zyrtare në Mal të Zi për shkak të tensioneve mes palëve. Kisha Ortodokse Serbe dhe pushteti serb pretendon se ligji i ri në Mal të Zi ka për synim grabitjen e pronave të kishës serbe në Mal të Zi.