Inspektorati në Komunën e Podujevës e ka dënuar një qytetare me 150 euro, pasi ajo kishte hedhur mbeturina në hapësirë publike.
Gjoba ka pasuar, pasi qytetarja ishte fotografuar nga kalimtarët e rastit dhe ishte njoftuar Inspektorati.
“Sot gjatë ditës Drejtoria e Inspeksionit përkatësisht inspektorët e ambientit kanë gjobitur një qytetare me 150 euro gjobë për hedhje të mbeturinave në hapësirat e sheshit të qytetit. Kjo gjobë vjen falë bashkëpunimit të mirë të qytetarëve me institucionet lokale, ku për rastin në fjalë qytetarët kanë lajmëruar Drejtorinë e Inspeksionit dhe menjëherë është identifikuar personi që ka hedhur mbeturina, të cilës edhe i është shqiptuar gjoba në vlerë prej 150 euro nga inspektorët e ambientit”, thuhet në njkftimin e Zyrës për marrëdhënie me publikun dhe Informim.
Zyrtarët komunalë u kanë bërë qytetarëve që rastet e tilla t’i lajmërojnë në Drejtorinë e Inspeksionit.
