Rilind Murati, i dyshuar për bashkëkryerje në vrasjen e rreshterit Muhamed Lika në Kaçanik, ishte figurë e njohur në rrjete sociale për ekstremizëm përmes postimeve të shumta, duke përfshirë faqen ‘Rinia Islame Kaçanik’, shkruan Gazeta Metro.
”Thuajini Amerikës dhe spiunëve të saj: Do të mposhteni dhe do të grumbulloheni në Xhehenem. Ky është vendimi i Allahut”, shkruante islamisti i dyshuar për vrasjen e policit.
Për Muratin foli edhe ish-ministri Ejup Maqedonci, duke treguar se ai e kishte lënë ushtrinë dhe ishte çmobilizuar në vitin 2022.
Murati bashkë me gjashtë të dyshuarit e tjerë do të vuajnë masën e paraburgimit për një muaj, pas vendimit të Gjykatës Themelore në Ferizaj. Prokuroria akuzon grupin në fjalë për vrasje të rëndë të policit Muhamed Lika më 1 prill.
