Izraeli ka akuzuat pronarin miliarder të Twitter-it, Elon Musk, si person antisemit, pasi ky i fundit tha se një biznesmen dhe filantrop hebre e urren njerëzimin.
Një ditë më parë, Musk shkroi në Twitter se i mbijetuari i Holokaustit, George Soros, “urren njerëzimin” dhe se ia kujton atij “Magneto-n”, një keqbërës nga librat komik që shfaqet gjithashtu në serialin X-Men.
Pas postimit të Musk-ut në Twitter, Ministria e Punëve të Jashtme e Izraelit tha se fraza “hebreu” u bë një temë shumë e përfolur në Twitter.
Në një reagim të Ministrisë së Punëve të Jashtme të Izraelit thuhet gjithashtu se komentet e Musk-ut për 92-vjeçarin e Soros-it, “shkaktuan menjëherë teori konspirative antisemitike në Twitter”.
Komentet e Musk-ut, i cili gjithashtu zotëron kompaninë e makinave elektrike Tesla, erdhën disa ditë pasi kompania e investimeve e Soros-it zbuloi se kishte shitur të gjitha aksionet që i zotëronte në Tesla.
Disa grupe hebraike gjithashtu akuzuan së fundmi Musk-un se nuk bëri mjaftueshëm për të frenuar atë që ata e përshkruajnë si antisemitizëm në Twitter, pasi miliarderi e bleu rrjetin social tetorin e kaluar.
Megjithatë, kjo është hera e parë që Izraeli zyrtarisht dhe drejtpërdrejt e akuzon Musk-un për antisemitizëm.
Porti më i madh dhe qendra kryesore e magazinimit të naftës në Emiratet e Bashkuara…
Presidenti amerikan Donald Trump u përplas me një gazetare gjatë një takimi me gazetarët në…
Presidenti amerikan Donald Trump u trondit pas një mbledhjeje informative javën e kaluar, që tregonte…
Presidenti amerikan Donald Trump paralajmëroi NATO-n se e pret një e ardhme e vështirë nëse…
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…