FOTO&VIDEO

Jeta e Roberto Baggio-s në fshat, ‘Bishtaleci Hyjnor’ jeton në shtëpinë e rrethuar nga gjelbërimi dhe rrit kafshët

Roberto Baggio është një nga lojtarët më të mirë në historinë e futbollit, teksa ishte një nga sulmuesit më të fortë të Italisë. Pas lamtumirës së tij me futbollin e luajtur më 23 janar 2013, “Bishtaleci Hyjnor”, i quajtur kështu për shkak të flokëve të tij karakteristike, ndryshoi tërësisht jetën duke iu përkushtuar natyrës dhe fermës së tij në provincën e Vicenza-s. Sot Roberto Baggio jeton në fshat me gruan e tij Andreina dhe fëmijët e tyre, ku rrit kafshë dhe praktikon besimin e tij budist.

Roberto Baggio, fituesi i Topit të Artë në 1993 ndryshoi plotësisht mënyrën e jetesës. Pas sukseseve të shumta ai zgjodhi të largohej nga futbolli për t’iu përkushtuar një jete më shumë në kontakt me natyrën, në provincën e Vicenzës. Sulmuesi i njohur jeton në Altavilla Vicentina me familjen e tij ku ka një fermë dhe kujdeset për pasionet që ka.

Shtëpia e Roberto Baggio është një fermë e madhe  e rrethuar me gjelbërim. Ajo shtrihet në disa nivele dhe është e rrethuar nga hektarë pyje të dendur. Këtu ish-futbollisti tani rrit kafshë, praktikon budizëm dhe jeton me gruan e tij Andreina, me të cilën është i martuar për më shumë se tridhjetë vjet, me djemtë e tij Mattia dhe Leonardo , ndërsa vajza e tij Valentina jeton jashtë vendit.

Shtëpia dhe ferma në fshat është e ndërtuar me tulla dhe dru , teksa është e rrethuar nga një kopsht i madh i mirëmbajtur dhe hapësira të ndryshme të hapura me vende për zjarr dhe tavolina për kohën e lirë me familjen ose ku mund të pushoni në kontakt me natyrën.

“Bishtaleci”, të cilit Netflix i ka kushtuar edhe një film, ka qenë gjithmonë mjaft i rezervuar për jetën e tij private. Nga postimet e pakta të publikuara në rrjetet sociale nga Baggio dhe familja e tij, dallohen disa detaje nga ambienti i brendshëm i shtëpisë së osh-futbollistit. Një ambient është dhoma e ndenjes me dy lartësi , me mobilim me stil dhe një dritare të madhe me pamje të mrekullueshme të natyrës përreth.

Për një ish-sportist si Roberto Baggio, mbajtja e fornës sigurisht që mbetet një synim i kaluar edhe te familjarët e tij. Madje, në shtëpinë e tij ndodhet edhe një palestër private me foto dhe portrete të sulmuesit në mure.

Gjelbërimi që rrethon shtëpinë depërton brenda falë sipërfaqeve të shumta me xhana të shtëpisë. Në jetën e re të Roberto Baggio-s, kontakti me natyrën luan një rol themelor dhe vila e tij është një oaz mirëqenieje e zhytur në fshat.


FM IMAGES

FM IMAGES ALBANIA - Copyright © 2025 e-mail: info@fmimages.net. All Rights Reserved.

Recent Posts

  • FOTO&VIDEO

Vrasja në Gjakovë: Pse e prishën miqësinë vrasësi e viktima?

Lokali “My Place” punoi të hënën prej mesnate deri në mëngjes me disa njerëz brenda.…

19 minuta ago
  • POLITIKE

“Mosgatishmëria e evropianëve për luftën në Iran, senatori amerikan: Nuk e kam parë kurrë Trumpin kaq të zemëruar

Senatori amerikan Lindsey Graham deklaroi se ka biseduar me Presidentin Donald Trump rreth “mosgatishmërisë” të…

2 orë ago
  • KRYESORE

Trump e bën publik zhgënjimin: Starmer nuk na mbështeti!

Presidenti amerikan, Donald Trump, ka deklaruar se mendonte se Europa do të kishte ndihmuar SHBA-të…

2 orë ago
  • KRYESORE

Izraeli eliminon drejtuesit kryesorë të Iranit, ‘shpëton’ vetëm presidenti Pezeshkian: Lista e plotë e figurave të larta të vrara

Izraeli thotë se ka vrarë një tjetër figurë të lartë të Iranit, Ali Larijani, në…

4 orë ago
  • BOTA

Ministri i Jashtëm i Izraelit: Kishte një shpërblim prej 10 milionë dollarësh për Ali Larijanin, por ne e vramë falas!

Forcat e Mbrojtjes së Izraelit (IDF) njoftuan këtë të martë, më 17 mars, se kanë…

5 orë ago
  • FOTO&VIDEO

Tentoi t’i presë gishtat djalit 5-vjeçar, nëna me probleme mendore arrestohet në Janjevë

Një ngjarje e rëndë ka ndodhur së fundmi në Janjevë të Lipjanit. Policia e Kosovës…

5 orë ago