“Jo 10 mijë, por guximi i kësaj fotografie i meriton edhe 1 milion euro”, Mustafa i përgjigjet deputetëve të VV-së

Aktivisti për të drejtat e personave LGBTI+ në Kosovë, Lend Mustafa ka reaguar ndaj deputetëve të Kuvendit Gramos Agusholli, Eman Rrahmani, Duda Balje të cilët sot dolen kundër ndarjes prej 10 mijë euro për një projekt arti që promovon vlerat e këtij komuniteti.

Mustafa përmes një shkrimi në “Facebook” ka thënë se këta publikisht tentojnë ta lakojne homofobine e tyre pas opinioneve te artit.

“Parapergaditjet për vota po vrehen qartë, po gjithashtu vrehet qe nuk ja keni haberin për obligimet tuaja dhe qëndrimet kushtetuese”, ka shkruar ai.

Deputetët anti Kodit Civil nisin edhe një betejë kundër Qeverisë, shkak nje veprim i Hajrulla Çekut

Mustafa ndër të tjera ka thënë se kjo fotografi, jo 10 mijë, por i meriton 1 milion për guximin.

Deputetja e Kuvendit të Kosovës, Duda Balje, e njohur për deklaratat kundër komunitetit LGBTQ+, kishte reaguar për blerjen e veprës – fotografi me titullin “Dita e Shën Valentinit” prej 10 mijë eurove nga Ministria e Kulturës.

Ajo përrmes një postimi në “Facebook” ka pyetur se ku është arti në atë fotografi.

Duke e quajtur përzgjedhjen e Ministrisë si të pa logjikëshme.

“Epo hajde tani, kjo është një foto për të cilën ministria ka dhënë 10 mijë euro! Pa emocion ju pyes, se në cilën pjesë mund të shihet arti, kreativitet, bukuria këtu???? Për mua personalisht, pa logjikë”, ka shkruar ajo.

Edhe deputeti i Lëvizjes Vetëvendosje, Gramos Agusholli, e kishte quajtur absurde. Deputetin e ka alarmuar “rëndësia” që ai beson se po u jepet komuntetit LGBTQ+.

“Absurde është tendenca që dhunshëm me “normalizu” seksualitetin e dikujt. Dhunë psikologjike mbi ne dhe fëmijët tonë. Shumë zor po i japin disa, e prapë as nuk po i dojnë as nuk po i pranojnë.Krejt aparatin propagandistik, fondet dhjetëra milionëshe, edhe rezultati ne fund zero”, ka shkruar Agusholli.

Ministria e Kulturës ka blerë për fondin e shtetit një vepër arti që flet pikërisht për dashurinë e mohuar të këtij komuniteti. Vepra “Shën Valentini” është blerë për 10 mijë euro.

“Përzgjedhja e veprave për krijimin e fondit të institucioneve publike të Kosoves ishte një proces i veshtirë dhe kompleks”, thuhej në vlerësimin e jurisë.