I dënuari për krime lufte dhe kryetari i Partisë Radikale Serbe (SRS), Vojisllav Sheshel botoi një libër në të cilin fyen ish-deputeten e Partisë Socialdemokrate të Malit të Zi, Draginja Vuksanoviq-Stankoviq, siç e quanin kolegët e saj pro malazeze, mburoja dhe shpata e një Mali të Zi të pavarur, civil dhe evropian, të cilin, sipas fjalëve të tyre, ëndërrimtarët e dështuar të “botës serbe” nuk do të mund ta çajnë kurrë, shkruan Stav.ba.
Emri i librit të ri të këtij krimineli lufte është “Montenegrinska kur***tija Draginja Vuksanoviq” (Kur*a malazeze) dhe në të Vojisllav Sheshel sulmon në mënyrën më brutale dinjitetin e ish-përfaqësueses dhe kandidates për president të Malit të Zi Draginja Vuksanoviq-Stankoviq, si dhe parlamentin dhe shtetin e Malit të Zi.
Libri është botuar nga Komiteti për Mbrojtjen e Vojisllav Sheshelit nga Partia Radikale Serbe “Serbia e Madhe”. Vojisllav Sheshel foli për librin e tij në televizionin serb TV Happy, i cili gjendet në ofertën e operatorëve kabllorë në të gjithë rajonin.
Draginja Vuksanoviq-Stankoviq, nëse e përjashtojmë angazhimin politik, është edhe aktiviste kundër luftës, e cila është tërhequr nga veprimtaria e drejtpërdrejtë politike në fillim të vitit para zgjedhjeve parlamentare në Mal të Zi.
Gjesti i Vojisllav Sheshelit u prit me reagime të shumta si në Serbi, Mal të Zi dhe në të gjithë rajonin.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…