Zëdhënësi i Ministrisë së Punëve të Jashtme, Majid Al-Ansari ka deklaruar se Katari i dorëzoi palës izraelite një propozim për një pauzë humanitare dhe lirimin e pengjeve në orët e hershme të mëngjesit të sotëm pas javëve të negociatave të vazhdueshme.
“Katari po pret rezultatin e votimit të qeverisë izraelite mbi propozimin“, tha zëdhënësi të martën.
Marrëveshja në tryezë përfshin vizitat e Kryqit të Kuq për pengjet nga Izraeli që ende mbahen në Gaza dhe ilaçe për pengjet që kanë nevojë, tha zyra e kryeministrit izraelit Benjamin Netanyahu.
Kabineti i plotë izraelit tani po mblidhet për të diskutuar një marrëveshje të mundshme pengjesh, i tha CNN një burim i njohur me takimin, pas takimeve të kabinetit të luftës dhe kabinetit të sigurisë.
