Komanda e Mbrojtjes së Hapësirës Ajrore të Amerikës së Veriut (NORAD) njoftoi pikasjen e katër avionëve ushtarakë rusë që fluturonin pranë Alaskës, më pak se dy javë pasi ushtarët e ushtrisë amerikane u vendosën në zonë si pjesë e një “operacioni për mbrojtjen e forcës” mes një rritje të stërvitjeve ushtarake ruse dhe kineze në rajon.
“Avionët qëndruan në hapësirën ajrore ndërkombëtare në Zonën e Identifikimit të Mbrojtjes Ajrore të Alaskës (ADIZ) dhe nuk e shkelën në hapësirën ajrore sovrane amerikane apo kanadeze”,theksohet në deklaratën e NORAD, që ka interceptuar disa herë këtë muaj avionë ushtarakë rusë në zonë.
Ushtria dërgoi elementë të Divizionit të 11-të Ajror në ishullin Shemya atje si një “show të forcës së gatshme e vdekjeprurëse” në përgjigje të stërvitjeve ushtarake ruse atje.
Divizioni njihet si Engjëjt Arktik dhe ata zakonisht janë të vendosur në bazën e përbashkët Elmendorf-Richardson dhe Fort Wainëright në Alaskë.
Megjithëse vendosja e SHBA-së nuk është një shenjë e një përshkallëzimi të konsiderueshëm të tensioneve, marrëdhëniet me dy kundërshtarët kryesorë ushtarakë të SHBA-së mbeten të tensionuara, veçanërisht teksa konflikti në Ukrainë nuk jep shenja fashitjeje.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…