Udhëheqësi i Koresë së Veriut, Kim Jong-un, ka mbyllur vitin e tij të 10-të në pushtet me një fjalim që përmendte më shumë fabrika dhe uniformat e shkollave sesa armët bërthamore apo Shtetet e Bashkuara.
Synimet kryesore të Koresë së Veriut për vitin 2022 do të jenë fillimi i zhvillimit ekonomik dhe përmirësimi i jetës së njerëzve pasi përballen me një “luftë të madhe për jetë a vdekje”, tha Kim në një takim të komitetit qendror të partisë në pushtet të premten.
Takimi përkoi me 10-vjetorin e Kimit që në mënyrë efektive mori drejtimin e vendit pas vdekjes së babait të tij në 2011, raporton Guardian.
Kim ka përdorur fjalimet e mëparshme rreth vitit të ri për të bërë njoftime të mëdha politike, duke përfshirë nisjen e angazhimeve të rëndësishme diplomatike me Korenë e Jugut dhe SHBA.
Por përmbledhjet e fjalimit të tij të botuara në mediat shtetërore të Koresë së Veriut nuk përmendën specifikisht SHBA-në, me vetëm një referencë kalimtare për diskutimet e paspecifikuara të marrëdhënieve ndër-koreane dhe “çështjeve të jashtme”.
Fokusi i brendshëm i fjalimit nënvizoi krizat ekonomike me të cilat përballet Kim.
