Teksa Italia po përjeton një gjendje të jashtëzakonshne për shkak të koronavirusit, e pazakontë po ashtu ishte edhe fjalimi i Papa Franceskut.
Për herë të parë Papa nuk doli këtë të dielë në dritaren e tij për të mbajtur fjalimin para besimtarëve që grumbullohen në sheshin e Vatikanit.
Sot Ati i Shenjtë e mbajti fjalën e tij në blibliotekë, ndërsa besimtarët e ndoqën atë përmes një monitori, si masë parandaluese për përhapjen e koronavirusit.
“Unë jam afër me lutjet për njerëzit që vuajnë nga epidemia e koronavirusit. Bashkohem në inkurajimin e besimtarëve për të jetuar këtë moment të vështirë me forcën e besimit, sigurinë e shpresës dhe zellin e bamirësisë. Koha e Kreshmës na ndihmon të gjithëve të japim një kuptim ungjillor edhe në këtë moment sprovimi dhe dhimbjeje”, tha Papa.
Kujtojmë se pak ditë më parë Ati i Shenjtë pati komplikacione me shëndetin dhe iu nënshtrua testit për koronavirusin, por rezultoi negativ.
