Kryeministri italian Giuseppe Conte mbrëmjen e kësaj të hëne ka marrë një masë drastike, si një mënyrë për të luftuar përhapjen e koronavirusit në vend.
Në vendim e sotëm qeveria italiane ka shpallur gjithë Italinë “zonë të kuqe”. Në një konferencë për mediat kryeministri është shprehur se për shkak të përhapjes së koronavirusit tashmë jo vetëm zona veriore e Italisë por i gjithë vendi do të ketë masa kufizuese.
Gjithashtu shefi i qeverisë italiane Conte bëri apel që të gjithë të ndryshojnë zakonet e tyre dhe të kufizojnë udhëtimet.
“Ne kemi miratuar një vendim të ri bazuar në një supozim: nuk ka kohë. Numrat na tregojnë se ne kemi një rritje të rëndësishme të infeksioneve, të personave të shtruar në kujdes intensiv dhe nën-intensiv dhe fatkeqësisht, edhe të personave të vdekur. Zakonet tona duhet të ndryshojnë. Ata duhet të ndryshojnë tani. Vendosa të marr masa edhe më të rrepta menjëherë, më të forta . Masa është ajo që pritet dhe tani konsiderohet e pashmangshme: Jam gati të nënshkruaj një masë që mund ta përmbledhim si ‘Unë qëndroj në shtëpi ‘ .Nuk do të ketë më një zonë të kuqe në gadishull. Italia do të jetë e gjitha një zonë e mbrojtur“, u shpreh ai.
Ndërkohë deri më tani kanë humbur jetën 463 persona dhe mbi 7 mijë të tjerë janë konfirmuar të prekur nga koronavirusi në Itali.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…