Kosova dhe Shqipëria, dhe 24 vende tjera të botës, i janë bashkuar Shteteve të Bashkuara të Amerikës për të krijuar Aleancën për Liritë Fetare.
Anëtarët e aleancës së re janë zotuar se do të mbështesin një Deklaratë të Parimeve, duke forcuar angazhimin e tyre kolektiv për të kundërshtuar, publikisht dhe privatisht, të gjitha abuzimet ose shkeljet e lirisë fetare, raporton “Aleteia”.
Vendet që i janë bashkuar SHBA-së në këtë Aleancë janë, veç Kosovës dhe Shqipërisë, janë edhe Austria, Bosnje e Hercegovina, Brazili, Bullgaria, Kolumbia, Kroacia, Republika Çeke, Estonia, Gambia, Gjeorgjia, Greqia, Hungaria, Izraeli, Letonia, Lituania, Malta, Holanda, Polonia, Senegali, Sllovakia, Sllovenia, Togo, Ukraina dhe Britania e Madhe, transmeton Koha.net.
Departamenti Amerikan i Shtetit, duke lajmëruar për grupin, tha se Aleancë bazohet në “Deklaratën Universale për të Drejtat e Njeriut, e përkushtuar që të punojë për të drejtat e çdo burri e gruaje për të besuar në çfarë të donë, për të ndryshuar besimin, apo të mos kenë kurrfarë besimi nëse ndërgjegjja e tyre dikton”.
The great abusers of #religiousfreedom have long operated with impunity. Until now. #TheAlliance, launched by @SecPompeo, will unify powerful nations and leverage key resources in service to confronting the worst of the worst on religious persecution. pic.twitter.com/Nhvcs6yYVC
— Matthew Miller (@StateDeptSpox) February 7, 2020
“Secili ka një rol në luftën për të avancuar liritë fetare”, tha Departamenti i Shtetit. “Së bashku, me qëllim të përbashkët dhe me vizion të qartë, mund të luftojmë për të garantuar se gjeneratat e ardhshme kudo të gëzojnë një botë ku liria fetare është e mbrojtur dhe e avancuar”.
Deklarata e Parimeve për Aleancën përfshin një përkushtim “për të drejtën për të mbajtur çfarëdo feje apo besimi, apo edhe asnjë fare, si dhe lirinë për të ndërruar fenë”.
Në darkën në Departamentin e Shtetit të mërkurën, Sekretari i Shtetit Michael Pompeo tha se “mbrojtja e të drejtës për të gjithë njerëzit për të jetuar sipas ndërgjegjes së tyre është një prej top prioriteteve të administratës [së Trumpit]”.
Ai u tha të pranishmëve se më shumë se tetë persona në 10 në botë sot jetojnë aty ku nuk mund të praktikojnë fenë e tyre lirshëm.
“I dënojmë terroristët dhe ekstremistët e dhunshëm që targetojnë pakicat fetare, qofshin ata jazidi në Irak, hindu në Pakistan, të krishterë në Nigerinë veriore apo myslimanë në Burma”, tha ai. “Dënojmë ligjet e blasfemisë dhe apostasisë që kriminalizojnë çështjet e shpirtit. Si dhe dënojmë armiqësinë e Partisë Komuniste Kineze ndaj të gjitha feve”.
