Një 31-vjeçar kosovar në Graz të Austrisë është përfshirë në një konflikt me armë, pasi një rumun e kishte “shikuar shtrembër” në një parking të një supermarketi, të mërkurën.
Siç shkruan “österreich.at”, pas “shikimit shtrembër” kishin vluar gjakrat. Fillimisht 31-vjeçari e kishte kërcënuar rumunin (24-vjeçar) dhe një mik të tij çeçen (20-vjeçar) me një thikë. Sipas raportimit, pala më e re kishte ikur.
Kur rumuni dhe çeçeni ishin kthyer pak kohë më pas, u paraqit sërish kosovari – nga vetura e tij me një armë ende të paidentifikuar ai shkrepi, 20-vjeçari u qëllua me një plumb në kofshë.
Si pasojë e të shtënave pësuan edhe të tjerë që qëlluan në vendin e ngjarjes. Dy kalimtarë dhe një dëshmitare tjetër ishin lënduar si pasojë e të shtënave, me një 82-vjeçare sllovene dhe një 22-vjeçare që u desh të shkonin në spital për trajtim.
Policia e kishte kërkuar kosovarin në banesën e të dashurës në Graz, pasi aty dëshmitarët kishin parë targat e veturës. Kur kishte shkuar policia, ai kishte tentuar të ikte, por është kapur.
Hetimet po vazhdojnë, thuhet tutje në raportim./Koha
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…