B.R nga Kosova është dënuar me 15 vjet burgim nga Gjykata e Pejës javën që lam pas, pasi që u vërtetua se pagoi dy persona të tjera, A.S dhe M.S, për të vrarë partnerin e tij të punës, F.GJ. Sipas mediave zvicerane, tashmë i dënuari është shumë i pasur dhe tentoi t’i korruptojë edhe prokurorët, duke kërcënuar më pas edhe me dhunë.
Mediat në Zvicer kanë mbuluar gjithë rastin, duke treguar se si rrjedhi e gjithë ngjarja nga fillimi deri në fund.
B.R jetonte në Zvicër prej kohësh dhe punonte me pasuri të patundshme. Ndërkaq të ndjerin Ferdinand Gjinin, e kishte partner në punë.
Mirëpo pas një marrëveshje që dështoi, mardhëniet mes dy partnerëve u përshkallëzuan dhe B.R sapo erdhi në Kosovë, ishte rrahur keq. Pas këtij rasti, ai ishte zotuar për hakmarrje.
Në vitin 2012 porositi vrasjen, dhe më 2014, ortaku i tij u vra nga dy vëllëzërit A.S dhe M.S. Këta të fundit, po ashtu u dënuan nga Gjykata javën e kaluar.
Arrestimi në Nidwalden
B.R u arrestua këtë vit në Nidwalden të Zvicër. Autoritetet kosovare dërguan kërkesën për ekstradim më 2 qërshor.
I dyshuari fillimisht u dërgua në burgun Grosshof në Kriens në paraburgim. Më 28 qërshor ky person mbërriti në Kosovë ku edhe u akuzua për veprën ‘nxitje në vrasje’.
100.000 franga zvicerane, kontrata e vrasjes
F.GJ, partneri i punës së B.R u vra më 23 qërshor të vitit 2014. Sipas dëshmive, ai urdhëroi vrasjen nga Zvicra përmes ndërmjetësit dhe pagoi 100,000 franga për të. Vrasja u krye nga dy vëllezër të dënuar.
Sipas raportit të mediave zvicerane, B.R është shumë i pasur dhe po ashtu u përpoq që t’i korruptonte edhe prokurorët, si dhe të ndikojë duke kërcënuar me dhunë.
Ndërkaq, familjarët e viktimës janë shprehur të lumtur pas vendimit, ku drejtësia fitoi dhe korrupsioni nuk pasi ndonjë shans në këtë rast.
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…