Krimineli i njohur ballkanas i shpëton për mrekulli atentatit, autorit i rrëshket këmba në pishinë para se ta qëllonte

Një prej emrave më të “famshëm” të krimit në Serbi dhe Malin e Zi i ka shpëtuar për mrekulli një tjetër atentati me armë të bërë ndaj tij.

Një ditë më parë ndërsa ishte shtrirë pranë një pishine në një hotel luksoz pranë Budvës një person i afrohet me armë në dorë, por në momentin që ka tentuar ta qëllonte i ka rrëshkitur këmba në pishinë.

Kan u plagos lehtë në këmbë dhe mori një të gërvishtur në kokë. Ndërkohë autori u largua me shpejtësi me një makinë tip  BMË në drejtim të Petrovacit. Policia ka rrethuar zonën përreth Budvës dhe po zhvillon një operacion intensiv kërkimi. Janë ngritur postblloqe në dalje të qytetit dhe po analizohen pamjet nga kamerat e sigurisë të hotelit dhe zonës përreth.

Kan-it i janë bërë disa herë atentatete përgjatë dekadës së fundit dhe u ka mbijetuar disa herë përpjekjeve për vrasje në të dyja vendet.

Hetimet vijojnë dhe autoritetet nuk përjashtojnë mundësinë që atentati të jetë i lidhur me përplasjet midis grupeve kriminale në rajon.