Zyrtarët policorë shpeshherë janë cak i kërcënimeve serioze qoftë kur janë jashtë apo edhe gjatë detyrës zyrtare. Jo rrallëherë kanosjet verbale eskalojnë, duke ua vështirësuar kështu punën e madje duke ua kërcënuar edhe jetën. Një rast i tillë ka ndodhur mbrëmë në Graçanicë, ku dy zyrtarë policorë janë kërcënuar.
Burimet nga Prokuroria kanë bërë me dije se i dyshuari, I.B., 33-vjeçar, fillimisht është ndaluar nga Policia për shkak të prishjes së rendit dhe qetësisë publike, derisa ishte nën ndikimin e alkoolit.
Sinjali mëson se i njëjti më pas është shoqëruar në stacion policor, ku ka vazhduar me sjellje agresive e madje edhe me kërcënime ndaj zyrtarëve policorë, që po e trajtonin rastin.
Të njëjtat burime thonë se i njëjti i ka kanosur seriozisht policët, duke i paralajmëruar se do t’i qërojë hesapet me ta, posa të jenë pa uniforma.
Përballë kësaj situate, Policia është detyruar ta vë situatën nën kontroll, me ç’rast i dyshuari është ndaluar dhe më pas është marrë në pyetje.
Pas përfundimit të procedurave policore, Prokurori i Shtetit ka urdhëruar që ndaj tij të iniciohet rasti për kanosje dhe të dorëzohet kallëzimi penal brenda afatit ligjor.
Rastin e ka konfirmuar për Sinjalin edhe Policia e Kosovës.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…