Ish-kryeministri italian Silvio Berlusconi vdiq dje më 12 qershor nga leucemia në moshën 86-vjeçare.
Përveçse ishte kryeministër i Italisë, Silvio Berlusconi ndërtoi edhe një perandori biznesi. Sipas gazetës spanjolle Marca, pasuria e tij vlerësohet në 6.8 miliardë dollarë. Kjo përfshin pjesën e Berlusconit në klubin e futbollit Monza dhe kompaninë e tij televizive.
Çfarë do të ndodhë me pronën e tij?
Sipas ligjit italian, dy të tretat do të ndahen mes fëmijëve të tij, ndërsa e treta e mbetur do të shpërndahet sipas dëshirës së tij. Berlusconi ka gjithsej pesë fëmijë, të cilët i pati në dy martesa.
Vajza e tij e madhe, Maria Elvira, e njohur më mirë si Marina, lindi në vitin 1966 dhe nëna e saj është Carla Elvira Dall’Oglio, gruaja e parë e Berlusconit. Me të, ai pati edhe një djalë, Pier Silvio, i lindur në vitin 1969.
Me Veronica Laria, një aktore italiane, Berlusconi pati tre fëmijë: Barbara (1984), Eleonora (1986) dhe Luigi (1988).
Në kohën e vdekjes së tij, Berlusconi ishte i martuar me Marta Fascina, një politikane 33-vjeçare nga partia e tij Forza Italia. Nuk dihet nëse ajo do të marrë një “copë nga tepsia e madhe e byrekut të shijshëm”.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…